اتوار کی صبح دو بجے گھڑیاں ایک گھنٹہ آگے کر دی گئیں
لندن ۔۔۔ نیوز ٹائم
یورپی یونین کے رکن ممالک اور سوئٹزرلینڈ میں موسم گرما کا وقت شروع ہو گیا ہے۔ اتوار کی صبح دو بجے گھڑیاں ایک گھنٹہ آگے کر دی گئیں۔ جرمنی میں یہ سلسلہ 1980 میں شروع ہوا تھا۔ گھڑیاں آگے کرنے کا مقصد توانائی بچانا ہے، تاہم 4 دہائیوں بعد بھی اس کے مفید ہونے کے بارے میں کوئی ٹھوس شواہد نہیں ہیں۔ جرمن شہریوں کی اکثریت اس فیصلے کے خلاف ہے، لیکن ایسے لوگ بھی ہیں جو شام میں زیادہ دیر کے لیے روشنی ملنے پر خوش ہوتے ہیں۔ تفصیلات کے مطابق فرانس، اسپین ،اٹلی، بلجیم، پرتگال، ہالینڈ،سمیت تمام ممالک میں گھڑیاں ایک گھنٹہ آگے کر دی گئی ہیں ۔
