چینی دفتر خارجہ کے ترجمان Hong Lei
بیجنگ ۔۔۔ نیوز ٹائم
چین نے Badaber پشاور میں پی اے ایف بیس پر حملے کی مذمت کرتے ہوئے دہشتگردی کے خلاف جنگ میں پاکستان کی حمایت کا عہد کیا ہے۔ اتوار کے روز چینی دفتر خارجہ کے ترجمان Hong Lei نے اپنے ایک بیان میں کہا کہ ہم پشاور میں پی اے ایف بیس پر حملے کے نتیجے میں ہونے والی ہلاکتوں کی شدید مذمت اور شہدا کے اہلخانہ سے اظہار تعزیت کرتے ہیں۔ Hong Lei نے کہا کہ چین دہشت گردی کے خلاف پاکستان کی کوششوں کی حمایت کرتا ہے اور ہمارا اس پر پختہ یقین ہے کہ پاکستانی حکومت اور پاک فوج میں قومی سلامتی اور استحکام کو برقرار رکھنے کی صلاحیت موجود ہے۔ ترجمان نے حملے میں ہونے والے جانی نقصان پر گہرے دکھ اور افسوس کا اظہار کرتے ہوئے کہا کہ دہشت گردی کو جڑ سے اکھاڑ پھینکنے کے لئے پاکستان کی مدد کریں گے۔ انہوں نے کہا کہ مشکل گھڑی میں پاکستانی عوام اور حکومت کے ساتھ کھڑے ہیں۔
