ایران کو دو ارب کے منجمد اثاثوں کو غیر منجمد کرنے کیلئے کیس آگے بڑھانے کی اجازت مل گئی
دی ہیگ ۔۔۔ نیوز ٹائم
ایران نے عالمی عدالت میں امریکا کے خلاف مقدمہ جیت لیا جس کے بعد ایران کو اپنے اثاثے غیر منجمد کرانے کیلئے کیس آگے بڑھانے کی اجازت مل گئی ہے۔ عالمی عدالت انصاف میں واشنگٹن کی پسپائی، بڑی عدالت کا بڑا فیصلہ آ گیا۔ عالمی عدالت نے امریکی موقف مسترد کر دیا کہ ایران بین الاقوامی دہشت گردی کو سپورٹ کرتا ہے۔ جس کے بعد ایران کو دو ارب کے منجمد اثاثوں کو غیر منجمد کرنے کیلئے کیس آگے بڑھانے کی اجازت مل گئی۔ عالمی عدالت کا کہنا ہے کہ ایران، امریکا میں اثاثوں کو غیر منجمد کرنے کیلئے اپنی کارروائی کو آگے بڑھا سکتا ہے۔ امریکا نے ایران پر 1983ء میں بیروت میں امریکی اڈے پر حملے کا الزام لگایا تھا، اس حملے میں 241 امریکی فوج ہلاک ہوئے تھے۔ امریکی عدالت نے 2016 ء میں ایران کے اثاثے منجمد کرنے کا حکم دیا تھا۔
