وزیر اعظم کھڑگا پرساد اولی
کھٹمنڈو ۔۔۔ نیوز ٹائم
نیپال کی سپریم کورٹ نے وزیر اعظم کھڑگا پرساد اولی (Khadga Prasad Oli) کے پارلیمنٹ تحلیل کرنے کے اقدام پر پارلیمنٹ کو بحال کرنے کا حکم دے دیا۔ غیر ملکی ذرائع ابلاغ کے مطابق نیپال کی اعلی عدالت میں درخواست گزاروں کی اپیلوں پر سماعت ہوئی۔ درخواست گزاروں نے عدالت سے کہا کہ وزیر اعظم کا پارلیمنٹ تحلیل کرنے کا حکم غیر آئینی ہے۔ درخواستوں میں مزید کہا گیا کہ وزیر اعظم کھڑگا پرساد اولی (Khadga Prasad Oli) کے حکم کو مسترد کرتے ہوئے عدالت پارلیمنٹ کی بحالی کے احکامات جاری کرے۔ اعلی عدالت نے سماعت پر حکام کو حکم دیا کہ جلد از جلد پارلیمنٹ کو بحال کر کے 13 دنوں کے اندر پارلیمنٹ کا اجلاس منعقد کرے۔ واضح رہے کہ نیپالی وزیر اعظم نے اپنے خلاف عدم اعتماد کے ووٹ آنے پر 2 ماہ قبل پارلیمنٹ تحلیل کر دی تھی۔ نیپالی کمیونسٹ پارٹی نے اعلی عدالت کے فیصلے کا خیر مقدم کرتے ہوئے کہا کہ عدالتی فیصلہ آئین اور قانون کی فتح ہے۔
